16 Drive Kanonner

Սիրելի պատանիներ, «16.am» կայքը «DRIVE CLUB»-ի հետ համատեղ կազմակերպում է «16 Drive» խաղը: Հիմքում դրված «City drive» խաղը ճանաչում է վայելում արդեն 3 տարի և լայն տարածում է գտել մտավոր հայության մեջ: Անգամ շոու-բիզնեսի ներկայացուցիչներից շատերն են հանդիսանում «DRIVE CLUB»-ի անդամ: Գրեթե մեկ տարի խաղը հանդես եկավ նաև հեռուստատարբերակով «Երկիր Մեդիա»-ի եթերում:
Այժմ «16.am» կայքը հնարավորություն է ընձեռնում ունենալ այդ խաղը, հատուկ Ձեր տարիքի համար վերամշակված տարբերակով:
Խաղը կբացահայտի Ձեր գիտելիքների ուժեղ և թույլ կողմերը, հանրավորություն կտա յուրովի կիրառել դպրոցում ուսուցանված առարկաները, ինչպես նաև թույլ կտա նորովի ճանաչել քաղաքը:

Խաղին կարող եք մասնակցել ինչպես անհատական, այնպես էլ թիմային:
Մասնակցելու համար անհրաժեշտ է`
1.   Նախօրոք նշված օրը և ժամին այցելել 16.am կայք
2.   Գրանցվել որպես մասնակից, թողնելով ձեր անունը կամ թիմի անունը
3.   Ստանալ առաջադրանքներ (քվեստ), որոնց պատասխանները` որոշակի վայրեր են մեր քաղաքում. կոմերցիոն (խանութ,սրճարան...) և պատմամշակույթային (արձան, թանգարան...)
4.   Հասնելով գուշակված վայր` գտնել <<16>> խոհրդանշի մոտ գրված ծածկագիրը
5.   Զանգահարել կայքում հայտարարված հեռախոսահամարով և հայտնել ծածկագիրը:

Հաղթում է այն մասնակիցը, որը ամենակարճ ժամանակում կհայտնի բոլոր ծածկագրերը:

Խաղի մեկնարկից մեկ ժամ հետո հնարավորություն է ընձեռնվում օգտվել հուշումներից. յուրաքանչյուր հուշման դեպքում Ձեր վերջնական հաշվարկային ժամանակին գումարվում 15 րոպե (օր.`եթե դուք բոլոր առաջադրանքների պատասխանները գտել եք 1ժ.-ում, բայց վերցրել եք մեկ հուշում, մենք համարում ենք, որ Դուք ավարտել եք 1ժ.15 րոպեում):

Հաջողություն ենք մաղթում...