Մահացել է հայտնի Twitter-ի ամենատարեց օգտագործողը` 104-ամյա Այվի Բինը: Հաղորդում է «ՌԻԱ Նովոստին»: «Այվին խաղաղ կերպով մահացավ հուլիսի 12-ին»,- նրա http://twitter.com/IvyBean104 միկրոբլոգում գրել է օգնականը:

Վերջին շրջանում Բինն ապրում էր անգլիական Հիլսայդ Մենոր փոքր քաղաքի ծերանոցում: Նա Twitter-ի շատ հայտնի օգտագործող էր. Բինի միկրոբլոգը կարդում էր ավելի քան 56 հազար մարդ: Twitter-ում Բինը գրել է ավելի քան հազար հաղորդագրություն:

Այվի Բինը էջ ուներ նաեւ Facebook-ում, որտեղ նա գրանցվել է 102-ամյա տարիքում:

Ներկայումս Twitter-ը ամենահայտնի միկրոբլոգինգի ծառայությունն է: 2010 թվականի հունվարի դրությամբ, այնտեղ գրանցվածների թիվը կազմում է շուրջ 60 միլիոն մարդ: